kisi ki muskuraahaon pe ho nisaar
kisi ka dard mil sake to le udhaar
kisi ke vaaste ho tere dil men pyaar
jeena isi ka naam hai
kisi ki..................................
(maana apani jeb se fakeer hain
phir bhi yaaron dil ke ham ameer hain ) \- (2)
mite jo pyaar ke liye vo zindagi
jale bahaar ke liye vo zindagi
kisi ko ho na ho, hamen to aitabaar
jeena isi ka naam hai
kisi ki..................................
(rishta dil se dil ke aitabaar ka
zinda hai hamin se naam pyaar ka ) \- (2)
ke mar ke bhi, kisi ko yaad aayenge
kisi ke aansuon men muskuraayenge
kahega phool har kali se baar baar
jeena isi ka naam hai
kisi ki..................................
No comments:
Post a Comment